A Semana de Cine de Autor de Lugo premia a película austríaca «La segunda mujer»

A película austríaca «La segunda mujer» foi a gañadora da sección oficial da Semana Internacional de Cine de Autor de Lugo, que concluíu este venres no auditorio Gustavo Freire.
A continuación situáronse «El Rayo», «Gloria», «La mujer del chatarrero», e «Sister».

Na sección de curtametraxes, o galardón foi para «Las casitas», en primeiro lugar, «Flores para Amalia», «Estocolmo», «Amor a primera vista», «Miniaturas» e «Cuerdas».

Por último, mención de honor para a curtometraxe lucense presentada nesta categoría, «V.H.S.», realizada polo alumnado da escola de imaxe e son, da Fundación TIC, e producida por Patxi Pintado.

Clausura da Semana Internacional de Cine de Autor coas proxeccións ‘La segunda mujer’ e ‘César debe morir’

Hoxe se clausura a Semana Internacional de Cine de Autor, coas proxeccións de La segunda mujer, e César debe morir, entre outras.

Na primeira delas, e dentro do ciclo O mellor do Ano, un director de cárcere, e outro de teatro, diríxense ós presos para propoñerlles a posta en escena da obra Julio César, dentro das dependencias penitenciarias. Terá lugar ás oito da tarde no Auditorio Gustavo Freire.

Doutra banda, e dentro da sección oficial tamén no Gustavo Freire, pero as once da noite, proxectarase La segunda Mujer, un conmovedor drama sobre unha moza turca que se traslada a Austria para ocupar o lugar de segunda esposa dun home.

Penúltima xornada dentro da Semana Internacional de Cine de Autor de Lugo

Hoxe, dentro da Semana Internacional de Cine de Autor de Lugo, destacamos o filme venezolano Pelo Malo, gañador da Concha de Oro no Festival de San Sebastián, e premio ó mellor guión e director, no Festival Mar de Plata. Proxectarase ás oito da tarde no auditorio Gustavo Freire, dentro da sección ‘O mellor do ano’.

Doutra banda, ás once da noite no auditorio, e dentro da Sección Oficial, terá lugar o visionado da película Sister. Gañadora do Oso de Plata Especial no Festival Internacional de Cine de Berlín, foi tamén seleccionada para o premio otorgado polo festival Independent Spirit Awards.

‘La caza’, ‘El arca Rusa’ e ‘Gloria’, entre os títulos máis destacados para o dia de hoxe, dentro da programación da Semana Internacional de Cine de Autor

A Semana Internacional de Cine de Autor de Lugo proxecta para o día de hoxe oito pezas audivisuais, dentro dos diferentes espazos nos que ten lugar o ciclo.

Dentro delas, destacamos en primeiro lugar, o filme ‘La Caza’, película danesa gañadora do premio ó mellor guión nos Premios de Cine Europeo en 2012, e gañadora do premio ó mellor actor en Cannes 2012. A proxección terá lugar as oito da tarde no auditorio Gustavo Freire.

Doutra banda, as once da noite e tamén no Gustavo Freire, proxéctase ‘Gloria’, unha película a concurso, gañadora de varios premios internacionais, entre eles o de mellor actriz no Festival de Cine de Berlín no ano 2013.

Antonio Fragua de Pablo Forges, será hoxe o protagonista dentro do ciclo Homenaxes, no que proxectarase a sua longametraxe ‘El País S.A’.

Por último, as seis da tarde no Museo Provincial, terá lugar a proxección «El arca rusa». 2000 actores, 300 anos de historia rusa, 33 habitacións do Museo Hermitage, e unha única escena, compoñen este filme premiado internacionalmente.

Onte inagurouse oficialmente a Semana Internacional de Cine de Autor ca proxección do documental ‘Arde Lucus’

Onte foi inagurada oficialmente a Semana Internacional de Cine de Autor, cunha gala celebrada no auditorio Gustavo Freire, e que correu a cargo do grupo de teatro Achádego.

Nela foron presentadas as pezas que comporán a seccións do ciclo, e o director Brais Revaldería presentou o documental Arde Lucus, que foi proxectada a continuación. Tamén foi proxectada o obra experimental de Ronnie Cramer, Pillow Girl.

Oito son as pezas que compoñen a programación para o día de hoxe, dentro dos diferentes ciclos e espazos que inclúe esta semana de cine na cidade.

Entre outros, destaca a longametraxe Una familia de Tokio, Espiga de Oro na Seminci de Valladolid, e que será proxectada as oito da tarde no auditorio Gustavo Freire.

A sección oficial, tamén no Gustavo Freire pero as once da noite, proxectará o filme ‘El Rayo’ dirixida por Fran Araujo, e Ernesto Nova.

Na biblioteca provincial poderase visionar Soul Kitchen, premio especial do Xurado no Festival de Venecia no ano 2009.

Tamén comezará o ciclo de Homenaxes, ca proxección de El Baile de las Ánimas, e a presentación do libro adicado ó seu director, Manuel Lorenzo.

Caravaggio, dentro do ciclo ‘Arte de Cine’, será a peza proxectada no Museo Provincial as seis da tarde, gañadora do Oso de Plata no Festival de Cine de Berlín no ano 86.

Os ciclos ‘Colleita Dourada’ e ‘As curtas tamén son cine’, pechan o programa para hoxe, no Museo Interactivo de Historia de Lugo e no Vicerreitorado da Universidade, respectivamente.

A Banda Municipal ofrece esta tarde un concerto adicado á Semana Internacional de Cine de Autor

A Concellería de Cultura que dirixe Carmen Basadre, organiza hoxe un concerto da Banda Municipal de Lugo, que estará adicado á Semana Internacional de Cine de Autor.
O concerto será dirixido por Rosendo Ivorra Jover, e terá lugar ás sete e media da tarde na Praza Maior.
A Trixesimo-Sexta Edición da Semana Internacional de Cine de Autor dará comezo o próximo luns ca proxección da peza Pillow Girl, do americano Ronnie Cramer.

288 películas compoñen a programación da XXXVI Edición da Semana Internacional de Cine de Autor de Lugo

A Semana Internacional de Cine de Autor de Lugo recibiu para a súa participación a través de ‘Click for Festivals’ un total de 288 películas de todo o mundo, para compoñer a súa programación nesta XXXVI edición, que foi presentada o pasado venres da man, como xa ven sendo habitual, do grupo de teatro Achádego.

A recepción de películas, saldouse con 19 curtos de animación, 133 curtos documental, 183 curtos de ficción, 1 longametraxe de animación, 31 longametraxes documentais e 21 longos de ficción.

Oito seccións compoñen a programación da Semana de Cine nesta edición, con dous novos ciclos temáticos en relación a outros anos.

COLLEITA DOURADA, na que participan os documentais mais relevantes do panorama actual, e ARTE DE CINE, que nace para seleccionar e proxectar películas nas que a arte, os artistas, e os diversos espazos para a arte, teñan unha presenza relevante, ben como referencia documental ou estética, ben como elementos esenciais nos seus guións, tramas, personaxes ou localizacións.

Unha das seccións que máis representa á Semana de Cine dende os seus inicios, é a INFANTIL.

Outra das seccións fixas da Semana é PARA COMER LUGO. Dende os seus inicios, este ciclo do películas que unen o cine e a gastronomía, se afianzou no festival, cunha grande afluencia de espectadores.

O ciclo O MELLOR DOMINGO ANO proxectará un cine moi escaso nas nosas pantallas. Unha oportunidade única para poder visionar aquelas películas máis premiadas en distintos festivais de cine, e que non figuran nas axendas da distribución comercial.

A SECCIÓN OFICIAL é a mais representativa da Semana de Cine, cuxas películas optan ó Premio de Mellor Película por votación popular, e que xa foron premiadas en os Festivais mais importantes de todo o mundo.

Catro son as homenaxes que a Semana de Cine. Manuel Lourenzo, Antonio Fraguas Forges, Pedro Olea, e a Fundación Anade polo seu traballo na inclusión social e laboral de persoas con diversas minusvalideces.

Por último, ÁS CURTAS TAMÉN SON CINE, é unha sección de mozos noveis que queren abrirse paso na longametraxe. Películas de curta duración procedentes de todo o mundo, forman esta selección de films que optan ó Premio á Mellor Curtametraxe.

A curtametraxe PILLOW GIRL, de Ronnie Cramer, será a peza elexida para inagurar esta mostra cinematográfica o vindeiro luns día 15.

PILLOW GIRL exhibiuse en máis de 150 festivais de cine de todo o mundo, e foi nomeada «Mellor Obra Experimental» en varios eventos, incluíndo o Festival de Miami Short Film, o Festival de Cine Ruta 66, e o Festival de Cine Big Muddy