Celebración do Día Internacional contra a Violencia de Xénero

Hoxe é o Día Internacional contra a Violencia de Xénero, e as actividades programadas dende o Concello de Lugo deron comezo coa entrega do premio de deseño gráfico para o cartel seleccionado para conmemorar este día. O cartel gañador foi obra de Javier Trigo Penedo, que competía con outros sete traballos. Pola sua banda, o alcalde de Lugo, José López Orozco, lembrou que nos últimos dez anos foron asasinadas no noso pais 750 mulleres, e que a celebración deste día debería extenderse ós 365 dias do ano.

A continuación celebrouse a tradicional ofrenda floral como homenaxe ás mulleres vítimas deste tipo de violencia, ademais da lectura do manifesto diante da árbore da vida, na Praza de Santo Domingo.
O Concello de Lugo, en colaboración coa Deputación, celebrará as cinco da tarde o acto de inauguración do destape da escultura O voo das Bolboretas, na Ronda da Muralla, diante do antigo edificio do Fogar de Santa María.

Esta escultura elaborada en pedra polo canteiro Quijada, e deseñada por Luz Darriba, pretende ser unha homenaxe a todas as mulleres que sofren estes abusos.
A partires das oito da tarde, terá lugar a representación da obra de teatro, A muller soa, de Franca Rame e Darío Fo, e que será interpretada por Ana Plaza. O acto terá lugar no Salón de Actos do Centro de Convivencia de Fingoi.

As actividades de conmemoración rematarán os días 27, 28 e 29 de novembro ás oito, cunhas veladas teatrais contra a violencia de xénero a cargo do grupo Microefectos Dramatúrxicos na rúa Menorca, na Praza de Campo Castelo, e na Praza do Campo respectivamente.

Pola sua banda, o grupo municipal do Partido Popular acusou hoxe o executivo local de utilizar o manifesto da conmemoración do 25 de novembro con fins partidistas, e de rexeitar organizar un acto institucional único.

Falece o fiscal xefe de Lugo Juan José Begué no seu domicilio da Coruña

O mundo xudicial de Lugo levantouse consternado esta mañá coa noticia do falecemento do fiscal xefe de Lugo, Juan José Begué Lezaun, que morría no seu domicilio da Coruña. A noticia sorprendeu porque Begué estivo onte a traballar en Lugo, aínda que nos últimos meses faltou porque razóns de saúde. Todo indica que esta madrugada o fiscal se tería quitado a vida. O corpo encontrouno a súa muller esta mañá na entrada da súa casa, aos arredores da Coruña.

Begué ocupaba o cargo de fiscal xefe de Lugo dende o verán do pasado ano e baixo o seu mandato fóronse desenvolvendo algunhas das macrooperacións que están en marcha na cidade. Juan José Begué, nacido en Huesca en 1970, comezou a súa carreira como fiscal en 1997, cando foi destinado á Fiscalía Provincial de Girona. No 2008 incorporouse á Fiscalía Provincial da Coruña.

No seu destino como fiscal xefe en Lugo encontrouse con varias macroperaciones xudiciais abertas e con gran transcendencia mediática, como as operacións Carioca, Campión ou Pokémon.
O Fiscal Superior de Galicia, Carlos Varela, en nome de todos os integrantes do Ministerio Fiscal na Comunidade Autónoma, «lamenta a sensible perda déaste destacado compañeiro, do que salienta a súa gran valía profesional e humana».

A Federación de Asociacións de Veciños de Lugo xa pensa nunha segunda ‘Ruta do Cancro’

A Federación de Asociacións de Veciños de Lugo xa pensa nunha segunda ruta do cancro, que farán neste caso cargos do Bloque Nacionalista Galego.
A data está aínda por decidir, aínda que o presidente veciñal Jesús Vázquez, avanza que podería celebrarse no mes de xaneiro. O acompañamento a enfermos de cancro a Coruña realizarano altos cargos nacionalistas de toda Galicia.

Vázquez volve insistir en que o obxectivo é conseguir os servizos de hemodinámica as 24 horas, radioterapia e medicina nuclear para o HULA, servizos que comprometeu en dous mil once o propio presidente da Xunta Alberto Núñez Feijoo.

O presidente veciñal cargou contra á Conselleira de Sanidade, Rocio Mosquera, por permitir que enfermos teñan que realizar traxectos de catrocentos quilómetros e dez horas en coche, para un tratamento de dez minutos.

O BNG pide que o Concello de Lugo utilice software libre para aforrar o gasto que supoñen as licenzas

A concelleira nacionalista Cristina Ferreiro defenderá na próxima sesión plenaria municipal, que o Concello de Lugo utilice software libre nos seus sistemas informáticos, co fin de aforrar os gastos que supón o pagamento das licenzas.

A través desta moción, o BNG reclama que o goberno municipal adopte as medidas necesarias para deseñar e aprobar antes do remate deste mandato, un plan de migración dos sistemas informáticos do Concello, suxeitos a licenza de xeito que non haxa necesidade de renovalas, ou de facelo haxa xa un calendario de substitución.

Ademais os nacionalistas tamén pretenden que o goberno local elabore un plan de investimentos en desenvolvemento de software de código aberto, cos aforros producidos polas licenzas que non se renovan, que teña en consideración as empresas TIC locais e galegas.

O Pleno Provincial aproba os primeiros orzamentos participativos dunha Deputación en España

O Pleno da Deputación de Lugo aprobou este martes os primeiros orzamentos participativos dun organismo provincial en España, que, segundo destacou durante o debate a Deputada de Economía, Recadación e Facenda, Pilar García Porto, reúnen tres características: “Son uns presupostos feitoscos lucenses e para os lucenses, que cumpren coas prioridades que marcaron 55.000 veciños ó destinar 35 millóns de euros para emprego, infraestruturas e políticas sociais; aumentan os investimentos e transferencias nun 7%, e reducen en 10 millóns a débeda para deixala a cero no 2016”.

García Porto subliñou que o Goberno provincial “escoitou aos veciños e puxémonos mans á obra dende o primeiro momento, sen esperar a xaneiro. Estamos cumprindo xa este mesmo co que nos pediron e seguirémolo facendo no 2015”.

O Orzamento aprobado hoxe no Pleno, de 89,4 millóns de euros, demostra, subliñou a Deputada, “que hai unha progresista clara, viable e solvente a unha dereita que non fai máis que recortar dereitos e servizos”.

A delegada de Economía destacou neste senso que o Goberno progresista da Deputación “multiplicou por 370 veces nos últimos 8 anos os investimentos en emprego e nun 90% os fondos para servizos sociais, mentres a Xunta segue sen dotar ao HULA de Radioterapia, Medicina Nuclear e Hemodinámica as 24 horas, entre outros servizos e infraestruturas. Feijóo está desaparecido na provincia”.

Creará uns 80 novos postos traballo coa apertura do primeiro centro público de recría de España, e as 6 primeiras residencias e centros públicos da terceira idade, e seguirá impoñendo cláusulas sociais que blinden os dereitos dos traballadores.

Últimos días para presentar os proxectos da II edición do Concurso de fotografía das Reservas da Biosfera

Últimos días para a presentación dos proxectos para participar na segunda edición do Concurso de Fotografía das Reservas, que nesta edición ten como tema central Os bosques da provincia nas Reservas da Biosfera Terras do Miño, e Ancares Lucenses, Montes de Navia, Cervantes e Becerreá.

O prazo de presentación das fotografías está aberto ata o vindeiro 30 de novembro, e pódese consultar na web deputacionlugo.gal toda a información e bases deste concurso.

Os participantes nesta nova edición, deberán ser maiores de idade, e non estar premiados con anterioridade neste certame. Optan a 3 premios; o primeiro, que ascende a 800 euros, un segundo premio, de 500 euros e finalmente un terceiro, por valor de 300 euros.

O próximo domingo 30 de novembro terán lugar os actos de conmemoración do XIV aniversario da Muralla como Patrimonio Mundial

A Concelleira de Cultura, Turismo, Xuventude e Promoción da Lingua, Carmen Basadre, presentou esta mañá as actividades que terán lugar na conmemoración do XIV aniversario da Muralla como Patrimonio Mundial.

Carmen Basadre destacou que o actos central vai ter lugar no Circulo das Artes ás 18.00 horas cun Concerto Conmemorativo que estará dividido en tres partes e no que se escoitará por primeira vez o himno da Muralla titulado Anel de Pedra e que está composto polo músico Abraham Cupeiro.

O concerto comezará con tangos de Carlos Gardel e Astor Piazzola a cargo do grupo Lucus Ensemble dirixido por Alejandro Troya e nunha segunda parte tocarán o Concerto para violonchelo e orquestra de Friedrich Guida. A continuación proxectarase un video conmemorativo que baixo o título de Onte e hoxe da Muralla de Lugo fará un percorrido pola historia do monumento e que foi elaborado dentro do proxecto europeo Muralla Dixital.

A actividade rematarase co Concerto de Abraham Cupeiro e Ensemble dos Sons Esquecidos. A entrada será gratuíta ata completar o aforo do Círculo das Artes.

Dentro destes actos conmemorativos tamén van a ter lugar dúas actividades que teñen como nexo de unión a Muralla. Así, o venres 28 de novembro inaugurase a exposición de fotografía de La Voz de Galicia Un año de Voz 2014 no que aparecen varias imaxes da Muralla de Lugo e que se poderá ver na rúa da Raíña.

Tamén o domingo 30 a Cruz Vermella e El Progreso organizan o Aniversario solidario 150 anos da Cruz Vermella nos accesos e sobre o adarve da Muralla durante o que se repartirán paraugas vermellos e os donativos recadados irán destinados á propia entidade para os máis necesitados.

O xulgado imputará a cinco persoas despois do rexistro na Deputación Provincial de Lugo o pasado venres

O xulgado de instrución número 1 citará como imputadas ó redor de cinco persoas pola operación Pulpo, que se desencadeou o pasado venres cun rexistro na Deputación Provincial, que durou case once horas, e no que a Unidade de Delincuencia Fiscal da Policía se levou documentos, e envorcou o contido de numerosos ordenadores, sobre todo nos departamentos de comunicación, protocolo e contratación.

O xefe de protocolo, Juan Carlos Fernández Pulpeiro, é o único imputado polo momento nas dilixencias, iniciadas en 2013 co número 2097. As pescudas realizadas ata o momento, indican que outras cinco persoas son as que serán chamadas a declarar nesa calidade, aínda que a cifra podería variar, despois de que os policías especializados analicen a abundante información intervida.

O grupo provincial do PP cre que é necesario que o goberno presidido polo socialista José Ramón Gómez Besteiro, dea explicacións e asuma responsabilidades políticas ante a investigación xudicial.
A voceira do PP en San Marcos, Elena Candia, anunciou a presentación dunha iniciativa na reunión plenaria do próximo martes, para que Gómez Besteiro compareza canto antes.

Pola sua banda, o ente provincial remitía ós medio un comunicado hai escasos minutos, no que o seu Presidente, José Ramón Gómez Besteiro, solicita a súa comparecencia voluntaria no pleno provincial que terá lugar mañá, co obxecto de dar conta á Corporación das circunstancias en que se produciu a intervención da xuiza e as actuacións realizadas, todo isto co debido respecto ao segredo sumarial.

O xulgado do que é titular Pilar de Lara solicitou o pasado venres documentación en soporte dixital e de papel, en distintos departamentos da Deputación e do Concello de Lugo.
No caso do organismo provincial, a propia xuíza participou no traballo, en sesións de mañá e tarde. No caso do Concello, o xulgado interesouse, segundo parece, por documentación relacionada con asuntos investigados no caso Pokémon.

Na Deputación, a investigación estivo relacionada por un lado co servizo denominado Kilómetro 0, e por outro, con xestións relacionadas coa concesión de subvencións e o club de baloncesto Breogán, que estivo presidido no seu momento polo empresario Raúl López, que o deixou sendo o máximo acredor do club.

Ascenden a trece os afectados polo brote de lexionela ó sumarse outro traballador do centro para maiores de Guntín

A residencia de maiores privada de Guntín, sumou nas últimas horas unha nova hospitalización dun traballador, que elevou o total de casos diagnosticados neste centro a cinco, dos que dous están dados de alta e o resto ingresados.

Facendo reconto dos 20 días transcorridos, os afectados por lexionela son trece. Oito residentes das Gándaras -un deles seguía o venres na UCI por complicacións con outras patoloxías, e outro en planta- e ningún traballador, malia que foron varios ó servizo de urxencias con síntomas compatibles coa lexionela. Os outros cinco están localizados en Guntín.

Posiblemente ata o día 1 de decembro, se todas as análises e cultivos dan ausencia total da bacteria, poderíase levantar a corentena nas Gándaras, e restablecer o servizo de auga quente. A recollida de mostras está prevista para o venres próximo, pero os resultados non se coñecerán ata o luns.

O mesmo día que Sanidade declarou a existencia dun brote, o pasado día 10, que foi cando diagnosticaron o segundo caso, cortaron a auga das duchas e empezaron a aplicar os tratamentos para desinfectar o circuíto no que foi localizado o axente patóxeno

BNG Lugo avanza no proceso de elección das persoas que conformarán a candidatura para as municipais

O consello local do BNG de Lugo elaborou unha proposta para decidir as persoas que conformarán o primeiro tramo da candidatura do BNG nas eleccións municipais do vindeiro mes de maio.

O proceso de Asambleas Abertas iniciado polo BNG comenzou en Lugo o pasado 25 de setembro, cunha asamblea no centro social Maruja Mallo que reuniu a máis dun centenar de persoas.
Este primeiro encontro tivo contunuidade a principio deste mes de novembro, cunha asamblea aberta na que se concretaron nomes e persoas, que poderían conformar a candidatura do BNG.